نیتن یاہو نے ٹرمپ کو ایران کے خلاف غیرمقبول جنگ میں دھکیلا۔کملا ہیرس

امریکہ کی سابق نائب صدر کملا ہیرس نے اپنے ایک بیان میں الزام عائد کیا ہے کہ نیتن یاہو نے سابق امریکی صدر ٹرمپ کو ایران کے خلاف جنگ میں دھکیلا۔

کملا ہیرس کے مطابق اسرائیلی وزیر اعظم کی پالیسیوں کے باعث ٹرمپ ایک ایسی جنگ میں شامل ہوئے جس میں امریکی عوام کی کوئی دلچسپی نہیں تھی۔ انہوں نے کہا کہ یہ فیصلہ عوامی خواہشات کے برعکس تھا اور اس کے نتیجے میں امریکہ کو غیر ضروری تنازع میں الجھایا گیا۔

انہوں نے مزید کہا کہ ایران کے خلاف جنگی صورتحال نے امریکی فوجیوں کی جانوں کو خطرے میں ڈال دیا ہے، جبکہ یہ اقدام عوامی حمایت سے محروم تھا اور اس کے اثرات امریکا کے لیے نقصان دہ ثابت ہو سکتے ہیں۔