رانا ثناء اللہ کے بی آئی ایس پی اور کراچی نظام سے متعلق اہم ریمارکس

وزیراعظم کے مشیر برائے سیاسی امور رانا ثناء اللہ نے کہا ہے کہ بی آئی ایس پی میں مبینہ کرپشن کے باعث غربت میں کمی کے بجائے اضافہ ہوا ہے۔

نجی ٹی وی سے گفتگو کرتے ہوئے انہوں نے کہا کہ ملک کے سب سے بڑے شہر کراچی کے انتظامی مسائل سنگین ہوتے جا رہے ہیں اور اس کے لیے فوری اصلاحات کی ضرورت ہے۔ ان کے مطابق کراچی کے لیے الگ بلدیاتی نظام یا نئے انتظامی یونٹس بنانا ناگزیر ہو چکا ہے۔

رانا ثناء اللہ کا کہنا تھا کہ اگر موجودہ نظام میں تبدیلی نہ کی گئی تو شہر کے مسائل مزید بڑھتے جائیں گے۔ انہوں نے کہا کہ بلدیاتی اداروں کو مکمل اختیارات دینا ضروری ہے تاکہ عوامی مسائل حل ہو سکیں۔

انہوں نے مزید کہا کہ بی آئی ایس پی جیسے پروگراموں میں شفافیت کو یقینی بنانا وقت کی ضرورت ہے اور سوشل ویلفیئر نظام کو مؤثر بنانے کے لیے اصلاحات ناگزیر ہیں۔