کراچی: دسویں جماعت سائنس گروپ کے نتائج کا اعلان

کراچی: میٹرک بورڈ کراچی نے دسویں جماعت سائنس گروپ کے نتائج کا اعلان کردیا۔

انتظامیہ کے مطابق امتحانات میں 35529 طلبا نے اے ون، 51022 نے اے گریڈ جبکہ 34910 نے بی گریڈ اور 17153 طلبا نے سی گریڈ حاصل کیا، امتحانات میں طلبا کی کامیابی کا تناسب 80.87 فیصد رہا۔

میٹرک بورڈ کا کہنا ہے کہ دسویں جماعت سائنس گروپ کے امتحانات میں مجموعی کامیابی کا تناسب 80.87 فیصد ریکارڈ کیا گیا، جو گزشتہ برسوں کے مقابلے میں حوصلہ افزا قرار دیا جا رہا ہے۔ طلبہ اپنے نتائج بورڈ کی ویب سائٹ اور دیگر مقررہ ذرائع سے بھی حاصل کر سکتے ہیں۔