سعودی عرب پر حملوں کی مذمت کرتے ہیں،اسکی سلامتی کیلئے ساتھ کھڑے ہیں،وزیراعظم شہباز شریف

وزیراعظم شہباز شریف نے سعودی عرب پر گزشتہ شب ہونے والے حملوں کی شدید مذمت کرتے ہوئے کہا ہے کہ پاکستان برادر ملک کی سلامتی اور خودمختاری کے ساتھ مکمل یکجہتی سے کھڑا ہے۔

سماجی رابطے کی ویب سائٹ ایکس پر جاری اپنے بیان میں وزیراعظم نے کہا کہ سعودی عرب کے خلاف کیے گئے حملے قابلِ مذمت ہیں اور یہ مملکت کی خودمختاری اور علاقائی سالمیت کی خلاف ورزی ہیں۔

انہوں نے کہا کہ ایسے اقدامات سے خطے کے امن، سلامتی اور استحکام کو مزید نقصان پہنچنے کا خدشہ ہے، اس لیے پاکستان ان کی بھرپور مذمت کرتا ہے۔

Pakistan strongly condemns the blatant attacks carried out against the brotherly Kingdom of Saudi Arabia last night.

Such reprehensible actions constitute a violation of the sovereignty and territorial integrity of the Kingdom of Saudi Arabia and have the potential to further…

— Shehbaz Sharif (@CMShehbaz) July 14, 2026

وزیراعظم نے اپنے بیان میں کہا کہ پاکستان اس نازک وقت میں سعودی عرب کی سلامتی کے لیے اپنی غیر متزلزل حمایت کا اعادہ کرتا ہے اور برادر ملک کے ساتھ مکمل یکجہتی کے ساتھ کھڑا ہے۔

شہباز شریف نے مزید کہا کہ پاکستان خطے میں امن، استحکام، سلامتی اور باہمی افہام و تفہیم کے فروغ کے لیے تمام مخلصانہ کوششوں کی حمایت جاری رکھے گا۔