پیپلز پارٹی، ایم کیو ایم اور مسلم لیگ ن نے اپنے مفادات کے لیے سیاسی اتحاد بنائے، منعم ظفر
اہم سیاسی کشیدگی، کابینہ نے ترقیاتی منصوبے منظور کر لیے، انتظامی امور پر بحث جاری ہوگی
پیپلز پارٹی، ایم کیو ایم اور ن لیگ نے مفادات کے لیے سیاسی اتحاد بنائے، منعم ظفر
کراچی میں سیاسی سرگرمیاں اور انتظامی فیصلےپنجاب اور سندھ کی سطح پر تیز ہو چکے ہیں۔ امیر جماعت اسلامی کراچی منعم ظفر خان نے ادارہ نورِحق میں پریس کانفرنس سے خطاب کرتے ہوئے کہا کہ پیپلز پارٹی، ایم کیو ایم اور مسلم لیگ ن نے اپنے مفادات کے تحفظ کے لیے سیاسی اتحاد بنائے۔
ان کا کہنا تھا کہ پی ڈی ایم سمیت دیگر اتحاد عوام کے لیے نہیں بلکہ اقتدار اور این آر او کے حصول کے لیے قائم کیے گئے، اور سیاسی جماعتوں نے جمہوریت کو اپنے مقاصد کے لیے استعمال کیا۔ منعم ظفر خان نے مزید کہا کہ کراچی کی قومی اسمبلی کی 15 نشستوں میں سے 7 پیپلز پارٹی کو دے دی گئیں اور بلدیاتی حلقہ بندیوں میں دھاندلی کی گئی۔ انہوں نے گیس بحران پر تشویش ظاہر کرتے ہوئے کہا کہ کورنگی اور لائنز ایریا سمیت مختلف علاقوں میں گیس کی فراہمی کا کوئی شیڈول نہیں ہے۔
دوسری جانب وزیراعلیٰ سندھ مراد علی شاہ کی زیرصدارت صوبائی کابینہ کا اہم اجلاس منعقد ہوا، جس کے بعد سینئر صوبائی وزیر شرجیل انعام میمن نے پریس بریفنگ دیتے ہوئے بتایا کہ آئندہ 1 سال میں شہر میں 1 ہزار سے زائد بسیں لائی جائیں گی جبکہ دسمبر میں ڈبل ڈیکر اور الیکٹرک بسیں بھی پہنچ جائیں گی۔ کابینہ نے گندم کے کاشتکاروں کو 16 ارب 90 کروڑ روپے کی امداد دینے کی منظوری دی ہے۔ شرجیل میمن نے اعلان کیا کہ سندھ حکومت نے 29 نومبر کو کسی بھی جماعت کو ریلی کی اجازت نہ دینے کا فیصلہ کیا ہے۔ ان کا کہنا تھا کہ 29 نومبر کو قوم پرست جماعت اور ایم کیو ایم نے کراچی میں ریلیاں نکالنے کا اعلان کیا ہے، لہٰذا حکومت نہیں چاہتی کہ کسی بھی قسم کی کشیدگی پیدا ہو۔ اس مقصد کے لیے نثار کھوڑو اور ضیاء لنجار سمیت 4 رکنی کمیٹی قائم کی گئی ہے جو دونوں جماعتوں سے رابطہ کرے گی۔