جے یو آئی نے اسلام آباد میں بھی روڈ بلاک کر دیا

جمعیت علمائے اسلام ف کے پلان بی کے تحت ملک کی مختلف قومی شاہراہوں پر چوتھے روز بھی دھرنے جاری ہیں۔

جمعیت علمائے اسلام (ف) کے کارکن 26 نمبر چونگی اسلام آباد پہنچ گئے اوردھرنا دے کراحتجاج شروع کردیا۔ کارکنوں کے چوک پر پہنچنے پرپولیس نے عام ٹریفک کو متبادل راستوں پرموڑ دیا۔

دوسری جانب پارٹی سربراہ مولانا فضل الرحمن کے پلان بی کے تحت شاہراہوں کی بندش اور احتجاج کا دائرہ ہر شہر تک بڑھانے کا فیصلہ کرلیا گیا۔

کوئٹہ چمن شاہراہ ژڑہ بند کے مقام پر جے یو آئی اور پشتونخوا میپ کے کارکنوں کے دھرنے کے باعث گاڑیوں کی لمبی قطاریں لگ گئیں ،شاہراہ کی بندش سے افغان ٹریڈٹرانزٹ اورنیٹوافواج کی سپلائی سمیت تمام ٹرانسپورٹ معطل ہو گئی۔

Image result for azadi march block the roads latest pics

آر سی ڈی شاہراہ پر دھرنے کے باعث کوئٹہ تفتان روڈ بند ہوگیa ہے جس کے باعث دونوں اطراف گاڑیوں کی طویل قطاریں لگ گئیں۔

میڈیا رپورٹس کے مطابق جمعیت علمائے اسلام کے پلان بی کے مطابق ملک کی مختلف اہم شاہراہوں پر دھرنے جاری ہیں ،بنوں میں جے یو آئی (ف)کے کارکنوں نے دھرنا دے کر لنک روڈانڈس ہائی وے بلاک کردی،جس سے ٹریفک کا نظام درہم برہم ہو گیااورگاڑیوں کی لمبی قطاریں لگ گئیں جس سے لوگوں کو شدید پریشانی کا سامنا ہے۔

کوئٹہ چمن شاہراہ ژڑہ بند کے مقام پرجے یوآئی اورپشتونخوا میپ کے کارکنوں کے دھرنے کے باعث قومی شاہراہ بلاک ہو گئی اورگاڑیوں کی لمبی قطاریں لگ گئیں،افغان ٹریڈٹرانزٹ،نیٹوافواج کی سپلائی سمیت تمام ٹرانسپورٹ معطل ہو گئی۔

Image result for azadi march block the roads latest pics

دوسری جانب سیکیورٹی حکام اور مقامی انتظامیہ کے مظاہرین سے مذاکرات ناکام ہوگئے ہیں جبکہ انہوں نے دھرنا کا مقام تبدیل کرنے سے بھی انکار کردیا ہے۔

کراچی میں جے یو آئی کا حب ریور روڈ پر چوتھے روز دھرنا جاری ہے، رات 8 بجے سے صبح 8 بجے تک حب ریور روڈ ٹریفک کیلئے کھول دیا گیا تھا، صبح قائدین کی ہدایت پر شرکا حب ریور روڈ پر جمع ہونا شروع ہو گئے جس کے بعد حب ریور روڈ ٹریفک کیلئے مکمل طور پر بند کر دیا گیا۔

مولانا عمر صادق نے کہا کہ دن کے اوقات میں دھرنے دینے اور رات میں سڑکیں ٹریفک کے لیے کھولنے کا فیصلہ کیا گیا ہے۔ ان کا کہنا تھا کہ آئل ٹینکرز مالکان سمیت دیگر شہریوں کی مشکلات کے پیش نظر یہ فیصلہ کیا گیا ہے۔

جمعیت علمائے اسلام ف کے پلان بی کے تحت گزشتہ روز بھی ژوب کے قریب ڈیرہ اسماعیل خان قومی شاہراہ پر، نوشہرہ میں جی ٹی روڈ اور حکیم آباد کے مقام پر، بنوں میں لنک روڈ انڈس ہائی وے پر جب کہ مالاکنڈ میں پل چوکی چکدرہ پر گزشتہ روز بھی دھرنے جاری رہے۔

جگہ جگہ مال بردار اور مسافر گاڑیوں کی لمبی قطاریں لگی رہیں اور مسافروں نے پریشانی پر احتجاج بھی کیا۔

Image result for azadi march block the roads latest pics

مانسہرہ میں غازی کوٹ کے مقام پر شاہرائے قراقرم کو ٹریفک کے لیے بند کیا گیا تو مسافروں نے احتجاج شروع کر دیا جس پر دھرنا ختم اور ایک شہری کو تو خود جمعیت علمائے اسلام ف کے مفتی کفایت اللہ نے سمجھا کر گاڑی میں کر بٹھا کر روانہ کیا۔

ڈی جی خان میں تونسہ بائی پاس انڈ ہائی وے پر شام تک ٹریفک معطل رہی۔ سندھ پنجاب بارڈر کوٹ سبزل کے قریب رحیم یار خان قومی شاہراہ شام پانچ بجے سے مغرب تک بند رہی۔

Image result for azadi march block the roads latest pics

گھوٹکی میں قومی شاہراہ چنا اسٹاپ کے مقام پر، کندھ کوٹ میں قومی شاہراہ پرفلورمل کے مقام پر اور جیکب آبا د میں سندھ بلوچستان بائی پاس زیرو پوائنٹ پردیے گئے دھرنے مغرب کے بعد ختم کر دیئے گئے جب کہ خیرپور میں نیشنل ہائی وے ٹھیری بائی پاس پر صبح سے دیا گیا دھرنا رات آٹھ بجے کے بعد ختم کیا گیا۔

تبصرے بند ہیں.