چارسدہ ، جرگے کے دوران فائرنگ ، 5 افراد جاں بحق،3زخمی

چارسدہ کے علاقے بٹگرام میں جرگے کے دوران فائرنگ سے جرگہ ممبر کے بیٹے سمیت5 افراد جاں بحق اور 3 زخمی ہو گئے۔
چارسدہ میں تھانہ بٹگرام کی حدود میں اتوار اور پیر کی درمیانی رات موٹرسائیکل سوار سے بچی زخمی ہونے کے معاملے پر تصفیے کے لیے جرگہ ہو رہا تھا کہ اس دوران فائرنگ ہوگئی جس کے نتیجے میں 5 افراد موقع پر ہی جاں بحق جب کہ 3 زخمی ہوگئے۔
پولیس کا کہنا ہےکہ زخمیوں کو پہلے شب قدر اسپتال منتقل کیا تاہم تشویشناک حالت ہونے کی وجہ سے ڈاکٹروں نے انہیں پشاور منتقل کردیا ہے جب کہ اب تک کسی ملزم کو گرفتار نہیں کیا جاسکا۔