چین کے اسکول میں خاتون کا چاقو سے حملہ، 14 بچے زخمی

چین میں ایک خاتون نے اسکول کے اندر چاقو کے وار کرکے 14 بچوں کو زخمی کردیا ہے۔ پولیس نے خاتون کر گرفتار کرلیا۔
غیر ملکی ذرائع ابلاغ کے مطابق واقعہ چین کے شہر چونگ کنگ کے ایک کنڈرگارٹن اسکول میں پیش آیا۔ جب بچے صبح 9 بجے کی ایکسر سائز کے بعد کلاس میں آئے تو خاتون نے حملہ کردیا۔
چاقو کے وار سے 14 بچے زخمی ہوگئے جنہیں اسپتال منتقل کردیا گیا ہے۔ متعدد بچوں کی حالت تشویشناک بتائی جاتی ہے۔
دوسری جانب حملے میں ملوث 39 سالہ خاتون کو پولیس نے گرفتار کرلیا ہے۔ حملے کی وجوہات کا فوی طور پر پتہ نہ چل سکتا۔
پولیس کا کہنا ہے کہ خاتون حملہ آور سے تحقیقات جاری ہیں۔