مصر میں فرعون کا مجسمہ چرانے کیلئے کھدائی کرنیوالے پکڑے گئے

قاہرہ: مصرمیں اسوان کے مقام پر فراعنہ کے مشہور بادشاہ رمسیس ثانی کا مجسمہ چوری کرنے کی کوشش کرنے والے پکڑے گئے سیکیورٹی گارڈز نے کچھ لوگوں کو اس وقت گرفتار کیا جب وہ اسوان کے مقام پر آثار قدیمہ کے علاقے کے میں رمسيس الثانی کا مجسمہ چوری کرنے کے لیے اس کے اردگرد کھدائی کر رہے تھے۔

اسوان میں سیاحت اور نوادرات کے جنرل سپروائزر ڈاکٹر عبدالمنعم سعید نے بتایا کہ انہیں اسوان میں پرانی کان میں آثار قدیمہ کے علاقے کے محافظوں سے اطلاع ملی کہ اس علاقےسے گزرتے ہوئے انہوں نے کچھ لوگوں کو کھدائی کرتے ہوئے پایا۔

محافظوں کے مطابق یہ لوگ رمسيس ثانی (فرعون) کے مجسمے کے اردگرد گھوم رہے تھے اور اس کے اطراف میں کھدائی کر رہے تھے۔فرعون کا مجمسہ چوری کرنے کی کوشش کرنے والے ملزمان کو حراست میں لیے جانے کے بعد ان سے پوچھ گچھ جاری ہے۔ سیاحت اور نوادرات پولیس کو مطلع کرنے کے بعد یہ کیس پبلک پراسیکیوشن آفس کو تفتیش کے لیے منتقل کر دیا گیا ہے۔