پنجاب کے نگراں وزیرکھیل کو ایک ہی اوور میں 6 چھکے پڑ گئے

اتوار 5 فروری 2023, 3:19 شام اسپورٹس

کوئٹہ: پاکستان سپر لیگ (پی ایس ایل) کے آٹھویں سیزن کے کوئٹہ میں جاری نمائشی میچ میں گلیڈی ایٹرزکے بلےبازافتخار احمد نے پنجاب کے نگراں وزیرکھیل وہاب ریاض کے ایک ہی اوور میں 6 چھکے جڑدیے۔

کوئٹہ کے بگٹی کرکٹ اسٹیڈیم میں کھیلے گئے میچ میں پشاور زلمی کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا، ابتدا میں کوئٹہ کی ٹیم جلد وکٹیں گنوا بیٹھی تاہم خوشدل اور افتخار نے شاندار کھیل کا مظاہرہ کرتے ہوئے 20 اوورز میں 185 رنز کا ہدف دینے میں کامیاب رہی۔