امریکہ ایران امن معاہدہ : حتمی متن پر اتفاق ہو گیا، وزیر اعظم شہباز شریف
پاکستان اب اگلے اقدامات کو حتمی شکل دینے کے لیے دونوں فریقوں کے ساتھ مل کر تندہی سے کام کر رہا ہے ، ایکس پر بیان
فائل فوٹو
اسلام آباد: پاکستان کے وزیر اعظم شہباز شریف نے ایک تاریخی سفارتی پیش رفت کا اعلان کرتے ہوئے کہا ہے کہ امریکہ اور ایران کے درمیان امن معاہدے کے حتمی اور متفقہ متن پر اتفاق ہو گیا ہے۔
سماجی رابطے کی ویب سائٹ ‘ایکس’ (سابقہ ٹوئٹر) پر جاری اپنے ایک بیان میں وزیر اعظم شہباز شریف نے اس اہم کامیابی کی تصدیق کی۔ انہوں نے لکھا کہ امریکہ اور ایران کے درمیان امن معاہدے کا ایک حتمی اور متفقہ متن طے پا چکا ہے۔ پاکستان اب اگلے اقدامات کو حتمی شکل دینے کے لیے دونوں فریقوں کے ساتھ مل کر تندہی سے کام کر رہا ہے۔
Amid ongoing intense mediation efforts by Pakistan, we are fully aware of incessant misinformation campaign being waged by those who want to sabotage the peace deal. Setting aside the noise, we can confirm that a final, agreed upon text of the peace deal has been reached and…
— Shehbaz Sharif (@CMShehbaz) June 12, 2026
مشرقِ وسطیٰ میں طویل عرصے سے جاری کشیدگی کے خاتمے کی امید ظاہر کرتے ہوئے انہوں نے مزید کہا کہ “امن اس سے پہلے کبھی اتنا قریب نہیں تھا جتنا اب ہے۔
پاکستان اس تنازع میں ایک اہم ثالث کے طور پر ابھرا ہے۔ اس سے قبل اپریل 2026 میں پاکستان کی ثالثی ہی کے نتیجے میں دونوں ممالک کے درمیان جنگ بندی ممکن ہوئی تھی اور اسلام آباد میں “اسلام آباد مذاکرات” کے نام سے براہ راست اور بالواسطہ مذاکرات کے ادوار بھی منعقد ہوئے تھے۔