امریکہ نے ایران پر چھٹے روز حملوں کی نئی لہر شروع کر دی

امریکی سینٹرل کمانڈ (سینٹکام) نے اعلان کیا ہے کہ امریکی افواج نے ایران کے خلاف حملوں کی نئی لہر شروع کر دی ہے۔

سینٹکام نے سماجی رابطے کی ویب سائٹ ایکس پر جاری بیان میں کہا کہ امریکی فوج مسلسل چھٹی رات بھی ایرانی فوجی اہداف کو نشانہ بنا رہی ہے تاکہ ایران کی عسکری صلاحیتوں کو مزید کمزور کیا جا سکے۔

بیان کے مطابق حالیہ کارروائیاں ایران کی فوجی استعداد کو محدود کرنے کی حکمت عملی کا حصہ ہیں، جبکہ حملوں سے ہونے والے ممکنہ نقصانات یا جانی نقصان کی مزید تفصیلات فوری طور پر جاری نہیں کی گئیں۔

ادھر ایرانی میڈیا نے تصدیق کی ہے کہ اھواز، بندر عباس، بوشہر اور قشم کے شہروں میں دھماکوں کی آوازیں سنی گئی ہیں۔

صوبہ خوزستان کے گورنر کے دفتر میں سکیورٹی امور کے نائب سربراہ ولی اللہ حیاتی نے خبر رساں ادارے ایلنا کو بتایا ہے کہ اھواز کے ’نواحی علاقوں‘ میں حملے ہوئے ہیں۔

ایرانی میڈیا کی جانب سے یہ اطلاعات ایک وقت میں سامنے آئی ہیں جب اب سے کچھ دیر قبل امریکی سینٹرل کمانڈ نے ایران پر مسسلسل چھٹے روز حملے کرنے کا اعلان کیا تھا۔