واٹس ایپ کا نیا وائس ٹو ٹیکسٹ فیچر متعارف کرانے کا فیصلہ

مقبول ترین انسٹنٹMessaging پلیٹ فارم واٹس ایپ اپنے صارفین کی سہولت کے لیے ایک اور شاندار فیچر متعارف کرانے کی تیاری کر رہا ہے، جس کے تحت صارفین کو بول کر تحریری پیغامات بھیجنے کی سہولت فراہم کی جائے گی۔

رپورٹس کے مطابق، واٹس ایپ کی جانب سے اینڈرائیڈ صارفین کے لیے ایک نئے وائس ٹو ٹیکسٹ فیچر پر کام کیا جا رہا ہے۔ واٹس ایپ بیٹا انفو کی جانب سے جاری کردہ تفصیلات کے مطابق، یہ نیا فیچر واٹس ایپ کے اینڈرائیڈ بیٹا ورژن 2.26.37.8 میں دیکھا گیا ہے۔ تاہم، یہ فیچر تحال ابتدائی تیاری کے مراحل میں ہے اور اسے ابھی تک بیٹا ٹیسٹرز کے لیے بھی جاری نہیں کیا گیا۔

دستاویزات اور تکنیکی رپورٹس کے مطابق، میٹا کی زیر ملکیت اس پلیٹ فارم کے اس نئے فیچر کے تحت چیٹ بار میں ایک مخصوص بٹن شامل کیا جائے گا۔ اس بٹن کو منتخب کرنے کے بعد صارف اپنا مطلوبہ پیغام زبان سے بول سکے گا، جبکہ اسکرین پر یعنی ’’سن رہا ہے…‘‘ کا اشارہ ظاہر ہوگا۔ آواز کو تحریری متن میں تبدیل کیے جانے کے بعد صارف کو اپنے پیغام کا جائزہ لینے اور پھر Send بٹن دبا کر اسے روانہ کرنے کی سہولت حاصل ہوگی۔

ذرائع کے مطابق، واٹس ایپ کا یہ فیچر انفرادی چیٹس، گروپس اور چینلز تینوں جگہوں پر مؤثر انداز میں کام کرے گا۔ عام صوتی پیغامات کے برعکس، اس نئے طریقہ کار میں پیغام وصول کرنے والے کو صرف تحریری شکل میں متن موصول ہوگا، جبکہ اصل صوتی پیغام نہیں بھیجا جائے گا۔ ماہرین کا کہنا ہے کہ یہ فیچر بولے گئے مواد کو براہِ راست ڈیوائس پر پروسیس کرنے کے لیے مقامی طور پر ڈاؤن لوڈ کردہ لینگویج پیکس کا استعمال کرے گا، جس سے صارفین کو آف لائن رہتے ہوئے بھی پیغامات ڈکٹیٹ کرنے میں مدد ملے گی۔ واٹس ایپ نے تحال یہ واضح نہیں کیا کہ اس تجرباتی فیچر کو عام صارفین کے لیے کب تک پیش کیا جائے گا۔