اسلام آباد میں ہیٹ اسٹروک کا خدشہ

محکمہ موسمیات کے مطابق شہر اقتدار میں اگلے 10روز سورج خوب آگ برسائے گا۔جس کی وجہ سے ہیٹ اسٹروک کا خدشہ ہے۔
تفصیلات کے مطابق محکمہ موسمیات کی جانب سے ہیٹ اسٹروک کے خدشے کے بعد ترجمان پمز نےاسلام آبادکی عوام سے اپیل کی ہے کہ گرمی کے دوران ہیٹ اسٹروک کے امکانات بہت زیادہ ہیں، ہیٹ اسٹروک سےبچاؤ کے لئے شہری بلاضرورت باہر نہ نکلیں، شہری افطار سے سحر کے دوران زیادہ سے زیادہ پانی کااستعمال کریں۔ ہیٹ اسٹروک کی علامات بخار، شدید سر درد، جسم کا سرخ اور گرم ہونا شامل ہے، ان علامات کی صورت میں مریض کو فوری طبی امداد دی جانی چاہیے۔
دوسری جانب محکمہ موسمیات کا کہنا ہے کہ آئندہ 24 گھنٹوں میں ملک کے بیشتر علاقوں میں موسم گرم اور خشک جب کہ سندھ، پنجاب، ڈی آئی خان، سبی، مکران ڈویژن میں موسم شدید گرم رہے گا۔