محکمہ تعلیم سندھ نے موسم گرما کی تعطیلات کا دورانہ بڑھا دیا

کراچی: محکمہ تعلیم سندھ نے موسم گرما کی تعطیلات کا دورانہ بڑھا دیا،چھٹیوں کا دورانیہ عام انتخابات میں اساتذہ کی مصروفیت کے باعث بڑھایا گیاہےجس کامحکمہ تعلیم نے نوٹیفکیشن جاری کردیاہے۔

محکمہ تعلیم کی جانب سے جاری کردہ نوٹیفکیشن کے مطابق موسم گرما کی تعطیلات کا دورانیہ 16 روزبڑھادیا گیاہےجس کے بعد صوبے بھر کے اسکول یکم اگست سے کھلیں گے۔

نوٹیفکیشن کے مطابق نگران وزیراعلیٰ سندھ فضل الرحمان کو سمری بھیجی گئی تھی جو انہوں نے منظور کرلی ہے۔