کراچی میں بوندا باندی، موسم خوشگوار

کراچی: شہر قائد کے مختلف علاقوں میں آج صبح سے ہی ہونے والی ہلکی و تیز بوندا باندی سے موسم خوشگوار ہوگیا۔
تفصیلات کے مطابق کراچی کے مختلف علاقوں میں آج صبح سے ہلکی وتیز بونداباندی کاسلسلہ شروع ہوا۔ جس سے موسم خوشگوار ہوگیا ہے۔
کراچی کے مختلف علاقوں ڈیفنس، لانڈھی، کورنگی، ملیر، گلشن اقبال، شارع فیصل، نارتھ ناظم، لیاقت آباد اور نارتھ کراچی میں تیز ہواؤں کے ساتھ ہلکی اور تیز بارش ہوئی۔
محکمہ موسمیات نے گزشتہ روز پیش گوئی کرتے ہوئے کہا تھا کہ سمندر کی نچلی سطح کے بادلوں کی وجہ سے شہر کا مطلع ابرآلود ہے اور کراچی کا موسم اگلے 4 دن تک معتدل رہنے کا امکان ہے۔