شہبازشریف اورلیگی قیادت نےنوازشریف اورمریم کودھوکا دیا،اعتزاز احسن

اعتزازاحسن نے ایک بیان میں لیگی رہنماؤں کو تنقید کا نشانہ بناتے ہوئے کہا کہ شاہد خاقان عباسی ، شہبازشریف ، سعدرفیق ایئرپورٹ کیوں نہیں پہنچ  سکے ؟ خواجہ آصف، ایاز صادق ، رانا ثناءاللہ ، خرم دستگیر نے بھی نوازشریف کوتن تنہا چھوڑا جبکہ خواجہ سعدرفیق لوہے کے چنے چبانے والا نظر ہی نہیں آیا۔

انہوں نے کہا کہ شہبازشریف کو چاہئے تھا کہ وہ ایئرپورٹ ناکے تک ضرور پہنچتے، ان رہنماؤں کو اندرجانے سےکوئی نہیں روکتا۔

اعتزاز احسن نے مزید کہا کہ نوازشریف اورمریم نواز کے خلاف سوچی سمجھی سازش ہوئی ہے، ن لیگی لیڈروں نےسازش کے تحت اپنے آپ کوغائب رکھا۔

انہوں نے مشاہد اللہ خان کو لاہورایئرپورٹ پرپہنچنے پرداد دی۔

انہوں نے ن لیگ کے مزید رہنماؤں کو تنقید کا نشانہ بناتے ہوئے کہا کہ نوازشریف کو بلاکرمنظر سے ہٹا دیا ہے، پھنسا دیا ہے، اتنا دھوکہ اپنی سیاسی تاریخ میں کبھی نہیں دیکھا جو نوازشریف یا مریم کےساتھ دیکھا۔