ایم کیو ایم لندن جنوبی افریقہ نیٹ ورک کے 2 دہشتگرد گرفتار

کراچی: اورنگی ٹاؤن سے ایم کیو ایم لندن جنوبی افریقہ نیٹ ورک کے 2 دہشت گرد کو گرفتار کرلیا۔
ترجمان رینجرز کے مطابق پولیس اور رینجرز نے مشترکہ کارروائی کرتے ہوئے ایم کیو ایم لندن جنوبی افریقہ نیٹ ورک کے 2 دہشت گرد کو گرفتار کیا جن کی شناخت بلال اور ارشاد کے ناموں سے ہوئی ہے۔
انہوں نے بتایا کہ ملزم بلال لودھی اور محمد ارشاد نے پر امن انتخابات کو سبوتاژ کرنے کے لئے مخالف جماعتوں کے امیدواروں کو نشانہ بنانے کی منصوبہ بندی کررکھی تھی۔
ترجمان رینجرز کے مطابق ایم کیو ایم لندن جنوبی افریقہ کی جانب سے جون میں ٹارگٹ کلرز کی ٹیمیں تشکیل دی گئیں۔ ملزمان نے ابتدائی تفتیش کے دوران ایم کیو ایم لندن کی جانب سے مالی وسائل کی فراہمی کا بھی اعتراف کیا ہے۔