نواز شریف سے گلے ملنے والا ہیڈ وارڈن تبدیل

راولپنڈی: سابق وزیر اعظم میاں محمد نواز شریف سے جیل میں گلے ملنے والے ہیڈ وارڈن کو تبدیل کر دیا گیا ہے ۔ یہ ہیڈ وارڈن نواز شریف کی بیرک پر تعینات تھا۔

ذرائع کے مطابق جیل میں موجود مخصوص عملے کے سوا کسی اور کو نواز شریف کی بیرک تک جانے کی اجازت نہیں۔ ہیڈ وارڈن نے بیرک پہنچ کر سابق وزیر اعظم کو گلے سے لگا لیا جس پر میاں محمد نواز شریف نے اسے کمر پر تھپکی دی۔

دونوں کی ملاقات کا انکشاف جیل میں لگے سکیورٹی کیمرے سے ہوا جس کے بعد ہیڈ وارڈن کو بلا کر سخت الفاظ میں تنبیہہ کی گئی ۔ مانیٹرنگ ٹیموں نے واقعے کی اطلاع انتظامیہ کو دی جس کے بعد آئی جی جیل خانہ جات نے خود اس واقعے کی سی سی ٹی وی فوٹیج دیکھی۔