لندن میں معروف پاکستانی قوال پر حملہ

لندن: معروف پاکستانی قوال حاجی امیر خان پر لندن میں سیا ہ فام شخص نے حملہ کردیا ، ان کو آنکھ اور جسم کے دیگر حصوں پر شدید چوٹیں آئیں ، زخمی حالت میں اسپتال منتقل کردیا گیا ۔

نجی ٹی وی کے مطابق پاکستانی قوال حاجی امیر خان پر لندن میں ایک نامعلوم شخص نے حملہ کردیا جس سے ان کی آنکھ شدید مثاثر ہوئی اور جسم کے دیگر حصوں پر بھی چوٹیں آئی ہیں۔ حاجی امیر خان کی بیٹی سرینہ خان کے مطابق ان کے والد پر حملہ ایک سیا ہ فام شخص نے کیا، حملہ آور نے ان پر لاتوں اور گھونسوں کی بارش کردی۔ حاجی امیر خان کو زخمی حالت میں اسپتال منتقل کردیا گیاہے جبکہ میٹرو پولیٹن پولیس نے ملزم کی تلاش شروع کردی ہے ۔