چینی مال بردار جہاز ڈوبنےسے 7 ہلاک

گوانگ زو:دریائے بیجنگ میں چینی مال بردار جہاز ڈوبنے سے7افراد ہلاک ہو گئے۔ رپورٹ کے مطابق حادثہ چین کے جنوبی صوبے گوانگ ڈانگ میں پیش آیا۔ حکام کے مطابق مال بردار جہاز یوئی ینگ ڈی8030اچانک الٹ کر ڈوب گیا جہاز پر سوار 7 افراد ہلاک ہو گئے۔

اطلاع ملنے پر ریسکیو کے عملے نے موقع پر پہنچ کر مرنے والوں کی لاشیں نکال لیں، تاہم جہاز کا ڈھانچہ نکالنے کیلئے کام جاری ہے ، حادثے کی تحقیقات کا حکم بھی دے دیا گیا ہے۔