سائبیرین ہواؤں نے کراچی کا رخ کرلیا، موسم سرد ہو گیا

کراچی:سائبیریا کی ہوائوں نے کراچی کا رخ کر لیا، موسم سرد ہوگیا اور درجہ حرارت میں کمی آگئی۔
محکمہ موسمیات کے مطابق کراچی میں سائبیرین ہوائیں چلنے سے درجہ حرارت 5 ڈگری تک گر گیا اور شہر کا کم سے کم درجہ حرارت 9 ڈگری سینٹی گریڈ ریکارڈ کیا گیا ہے۔
کراچی میں شمال مشرقی علاقوں سے ہوائیں 14 کلومیٹر فی گھنٹہ رفتار سے چل رہی ہیں جب کہ ہوا میں نمی کا تناسب 56 فیصد ہے۔