پاکستان ویمن ٹیم نے آخری ٹی 20 میچ جیت لیا

پاکستان ویمن ٹیم نے تیسرے اور آخری ٹی 20 میچ میں ویسٹ انڈیز کی ویمن ٹیم کو 12 رنز سے شکست دے دی۔ ویسٹ انڈیز کی ٹیم نے 3 میچوں کی سیریز دو،ایک سے جیت لی۔

کراچی کے ساؤتھ اینڈ کلب میں کھیلے گئےمیچ میں پاکستان ویمن ٹیم کی کپتان بسمہ معروف نے ٹاس جیت کر پہلے بیٹنگ کا فیصلہ کیا تو گرین شرٹس نے مقررہ 20 اوورز میں 6 وکٹوں کے نقصان پر 150 رنز بنائے۔

پاکستان کی جانب سے ندا ڈار 53 رنز بنا کر ٹاپ اسکورر رہیں جب کہ عالیہ ریاض نے شاندار 24 رنز ناٹ آؤٹ اننگز کھیلی، امیمہ سہیل 28، جویریہ خان 10، کپتان بسمہ معروف 19 اور ارم جاوید 7 رنز بنا کر آؤٹ ہوئیں۔

ویسٹ انڈیز کی کرشما ریمہیرک نے 2، شکیرا سلیمان اور فلائے فلیچر نے ایک ایک وکٹ حاصل کی۔

151 رنز کے تعاقب میں ویسٹ انڈیزین ٹیم 138 رنز بنا سکی ۔