نوشہرو فیروزمیں نامعلوم افراد نے فائرنگ کرکے4 افرادقتل کردیئے

نوشہرو فیروزمیں نامعلوم افراد نے فائرنگ کرکے4 افرادقتل کردیئے،نجی ٹی وی کے مطابق نوشہرو فیروز کے قریب نامعلوم افراد نےگھر میں گھس کر فائرنگ کردی جس سے ایک ہی خاندان کے 4 افرادہلاک اور ایک شدید زخمی ہوگیا ۔

پولیس کےمطابق قتل کا یہ واقعہ ضلع نوشہروفیروز میں پڈعیدن تھانے کی حدود میں پیش آیا، ابتدائی تفتیش کے مطابق واقعہ ذاتی دشمنی کا نتیجہ معلوم ہوتا ہے ۔

ملزمان وقوع کےبعد فرار ہوگئے، مقتولین کا تعلق لاڑکانہ سے ہے جو مزدوری کےلیے نوشہروفیروز آئے تھے ،ہلاک ہونے والوں کی لاشوں اور زخمی کو اسپتال منتقل کردیا گیا ہے ۔

پولیس کے مطابق واقعہ کامقدمہ نامعلوم افراد کیخلاف درج کرکے ملزمان کی تلاش شروع کردی گئی ہے جبکہ مقتولین کے اہلخانہ کو اطلاع دیدی گئی ہے۔

پوسٹ مارٹم کے بعد لاشیں ان کےحوالے کردی جائیں گی۔