کراچی میں ڈکیتی کے دوران مزاحمت پر ڈاکوئوں کی فائرنگ سے5 زخمی

کراچی کے علاقے کورنگی میں لوٹ مار کے دوران ڈاکوئوں کی فائرنگ سے 5 افراد زخمی ہوگئے، ایک زخمی کی حالت تشویشناک ہے۔

نجی ٹی وی چینل کے مطابق کورنگی میں عوامی کالونی میں موٹرسائیکل سوار 4 ملزمان نے دودھ کی دکان کو لوٹنے کی کوشش کی جس پر دکاندار، دکان میں موجود افراد نے ملزمان سے مزاحمت شروع کردی ۔

مزاحمت پر ڈاکوئوں نے فرار ہوتے ہوئے اندھا دھند فائرنگ کردی جس کے نتیجے میں 5 افراد زخمی ہوگئے جنہیں فوری طور قریبی اسپتال منتقل کردیا گیا جہاں ایک زخمی کی حالت تشویشناک ہے۔