سیکریٹری جنرل اقوام متحدہ کی نیوزی لینڈ میں دہشت گردی کی مذمت

اقوام متحدہ کے سیکرٹری جنرل انتونیو گوتریز نے کرائسٹ چرچ حملے پر  کہا کہ وہ غمزدہ ہیں اور مسلمانوں کے ساتھ یکجہتی کا اظہار کرتے ہیں۔

نجی ٹی وی کے مطابق سیکرٹری جنرل کے ترجمان انتونیو گوتریز نے کہا کہ کرائسٹ چرچ میں دو مساجد پر دہشت گردی کے واقعے پر غمزہ ہیں، وہ متاثرہ خاندانوں کے لواحقین، نیوزی لینڈ کی حکومت اور عوام سے دلی تعزیت کرتے ہیں۔

ترجمان نے کہا عدم برداشت اور ہر طرح کی پر تشدد انتہا پسندی کے خاتمے کے لئے عالمی سطح پر اجتماعی کوششوں کی ضرورت ہے، سیکرٹری جنرل نے تمام لوگوں پر بھی زور دیا کہ وہ اس سانحے پر مسلمانوں کے ساتھ یکجہتی کا اظہار کریں۔