نواز شریف طبی معائنے کیلئے شریف میڈیکل سٹی پہنچ گئے

سابق وزیراعظم میاں نواز شریف جیل سے رہائی کے بعد علاج کیلئے ذاتی معالج ڈاکٹر عدنان سے چیک اپ اور علاج کیلئے شریف میڈیکل پہنچ گئے ہیں۔

نجی ٹی وی کے مطابق سابق وزیر اعظم نواز شریف کی صحت کے معاملے پر ان کے معالج نے بتایا ہے کہ شریف میڈیکل سٹی میں ڈاکٹروں کی ایک ٹیم نواز شریف کا معائنہ کرے گی۔

انہوں نے بتایا کہ نواز شریف کے شریف میڈیکل سٹی میں مختلف طبی ٹیسٹ کیے جائیں گے جبکہ میں خود بھی ان کا چیک اپ کروں گا۔

ڈاکٹر عدنان نے یہ بھی کہا کہ نواز شریف کے مکمل طبی معائنے کے بعد اُن کے مزید ٹیسٹ کرنے کا فیصلہ ہو گا۔