ملازمت سے برطرفی کی خبر سن کر پاکستان اسٹیل کا ملازم چل بسا

کراچی: پاکستان اسٹیل کے ملازمین کی جبری برطرفی کی خبر سن ملازم دل کا دورہ پڑنے سے چل بسا۔
پاکستان اسٹیل کے ملازمین کی جبری برطرفی کی خبر سن کر ملازم دل کا دورہ پڑنے کے سبب فوت ہوگیا۔ اسٹیل ٹاؤن میں رہائش پذیر آئی ایم ڈی ڈپارٹمنٹ کے ملازم حبیب الرحمان نے جیسے ہی ملازمت جانے کی اطلاع سنی تو ان کی حالت غیر ہوگئی اور دل کا دورہ جان لیوا ثابت ہوا۔
اسٹیل ٹاؤن کے دیگر ہزاروں ورکرز کے گھروں میں بھی صف ماتم بچھ گئی، مزدور انجمنوں کے رہنماؤں نے فوت ہونے والے ملازم کے گھر جاکر اہل خانہ سے تعزیت کی اور پاکستان اسٹیل کی ملازمین کی جبری برطرفی پر غم و غصہ کا اظہار کیا۔