بختاور بھٹو زرداری کی کل کائنات کون ہیں،تصویر شیئرکردی

سابق وزیرِاعظم شہید بے نظیر بھٹو کی بڑی صاحبزادی بختاور بھٹو نے اپنے والد کو اپنی کل کائنات قرار دے دیا۔

بختاور بھٹو زرداری نے اپنے انسٹاگرام اکاؤنٹ پراپنے والد سابق صدرآصف علی زرداری کی تصویر شیئر کی ہے۔

مذکورہ تصویر بختاور بھٹو کی منگنی کی تقریب کے دوران لی گئی تھی جبکہ تصویر میں دیکھا جاسکتا ہے کہ آصف زرداری کے ہاتھ میں ان کی صاحبزادی اور داماد محمود چوہدری کی منگنی کی انگوٹھیاں ہیں۔

انسٹاگرام پر شیئر کی گئی تصویر میں آصف زرداری نے پینٹ کوٹ زیب تن کیا ہوا ہے جبکہ وہ اپنی صاحبزادی کے اس خاص دن پر بےحد خوش نظر آرہے ہیں۔

بختاور بھٹو نے انسٹاگرام پر تصویر شیئر کرتے ہوئے کیپشن میں لکھا کہ ’میرے والد میری کل کائنات ہیں۔‘

انہوں نے اپنے والد کی تندرستی سے بھرپور زندگی کے لیے دعا کرتے ہوئے لکھا کہ ’اللہ آپ کو ہمیشہ سلامت رکھے اور آپ کو اچھی صحت عطا کرے۔‘

بختاور بھٹو نے چند گھنٹے قبل ہی انسٹاگرام پر باپ بیٹی کے خوبصورت رشتے کو بیان کرتی یہ پوسٹ شیئر کی ہے جس پر اب تک 30ہزار سے زائد لائکس آچکے ہیں جبکہ تبصروں کا سلسلہ بھی جاری ہے۔