کوئٹہ کے علاقے دکانی بابا چوک کے قریب نامعلوم افراد نے دکان پردستی بم سے حملہ کیا جس کے نتیجے میں نوجوان جاں بحق اور14 افراد زخمی ہو گئے۔
پولیس کے مطابق دکانی بابا چوک پر موٹرسائیکل سوار دہشت گردوں نے دستی بم سے حملہ کیا جس کے نتیجے میں 18سالہ نوجوان جاں بحق اور 14افراد زخمی ہو گئے، زخمیوں کو فوری طور پر سول ہسپتال منتقل کر دیا گیا ہے۔
زخمیوں میں سے 2 کی حالت تشویش ناک بتائی جاتی ہے۔ دستی بم حملے کی اطلاع ملتے ہی پولیس اورایف سی کی بھاری نفری نے موقع پر پہنچ کرعلاقے کو گھیرے میں لے لیا اور شواہد اکٹھے کیے۔