میرپورخاص،امتحانی نتائج رشوت سےتبدیل کیے جانے کا انکشاف

میرپورخاص(اُمت نیوز)میرپورخاص میں بارہویں جماعت کےامتحانی نتائج رشوت لے کر تبدیل کیے جانے کا انکشاف ہوا ہے۔
چیئرمین میر پور خاص بورڈ برکت علی نے معاملے کا نوٹس لیتے ہوئے تعلیمی بورڈ کے کنٹرولر غلام علی سمیت 4 افسران کو معطل کردیا۔ بورڈ کے 8 دیگر افسران و اہلکاروں کے بھی تبادلے کردیے گئے۔
چیئرمین بورڈ نے بتایا کہ بارہویں جماعت کےنتائج رشوت لے کر بدلے گئے، والدین نے شکایت کی تھی کہ جو طلبہ پڑھتے نہیں تھے انہوں نے امتحانات میں اول پوزیشن حاصل کی۔
انہوں نے بتایا کہ سیکریٹ برانچ کا ریکارڈ چیک کرنے پر بڑےپیمانے پر جعلسازی سامنےآئی۔