کوئی ابہام نہیں ملک بنانا ری پبلک بن چکا ہے،عمران خان

لاہور(امت نیوز)سابق وزیراعظم اور چیئرمین پاکستان تحریک عمران خان نے کہا ہے کہ فواد چوہدری کو ایک دہشت گرد کی طرح عدالت میں پیش کیا جارہا ہے، جس سے ظاہر ہوتا ہے امپورٹڈ حکومت اور ریاست گراوٹ کی کن گہرائیوں میں اتر چکی ہیں۔
فواد چوہدری کی عدالت میں پیشی پر ردعمل دیتے ہوئے عمران خان نے کہا کہ پی ٹی آئی رہنما کو ہتھکڑیوں میں جکڑ کر اور سر چہرہ ڈھانپ کر پیش کیا جارہا ہے۔
سابق وزیراعظم نے مزید کہا کہ فواد چوہدری، اعظم سواتی اور اس سے قبل شہباز گِل سے یہی سلوک روا رکھا گیا۔
ان کا کہنا تھا کہ لوگوں کے ذہنوں میں کوئی ابہام باقی نہیں کہ ہم ایک بنانا ری پبلک بن چکے ہیں۔
عمران خان نے کہا کہ اب جنگل کا قانون رائج ہے، جہاں جس کی لاٹھی اس کی بھینس کا اصول کارفرما ہے، دستور و قانون پوری طرح آج کے فرعونوں کے محکوم ہیں۔