پرویزالہیٰ کے سابق پرنسپل سیکریٹری پر مقدمہ

لاہور(امت نیوز)وفاقی تحقیقاتی ادارے (ایف آئی اے) نےچوہدری پرویزالہیٰ سابق پرنسپل سیکریٹری محمد خان بھٹی کے خلاف مقدمہ درج کر لیا۔

ایف آئی اے حکام کے مطابق مقدمہ محمد خان بھٹی سمیت 8 افراد کے خلاف درج کیا گیا ہے، مقدمے میں ایس ڈی او ہائی وے رانا محمد اقبال اور دیگر نامزد ہیں، ملزمان پرکروڑوں روپے رشوت کے عوض پوسٹنگز دینے کا الزام ہے۔

ایف آئی اے کا کہنا ہے کہ مقدمہ اینٹی منی لانڈرنگ سرکل لاہور نے درج کیا ہے، مقدمہ اینٹی کرپشن پنجاب کے استغاثہ پر درج کیا گیا ہے، مقدمہ میں منی لانڈرنگ ایکٹ کی دفعات شامل کی گئی ہیں، جس کی تحقیقات جاری ہیں۔

ایف آئی آر کے مطابق ایس ڈی او ہائی وے رانا محمد اقبال کئی سالوں تک محمد خان بھٹی کو رشوت دیتا رہا، کئی اور افسران بھی محمد خان بھٹی کیلئے کام کرتے ہیں، ملزمان سرکاری فنڈ سے محمد خان بھٹی کو کروڑوں روپے دیتے تھے