پی ایس ایل8 کےٹکٹوں کی فروخت کل سے ہوگی،قیمتوں کا بھی اعلان

کراچی(اسپورٹس ڈیسک)شائقین کرکٹ کا انتظار ختم ہوا ۔ پاکستان کرکٹ بورڈ نے پی ایس ایل 8 کے ٹکٹوں کی فروخت کل سے شروع کرنے کا اعلان کردیا

پی سی بی کے مطابق پاکستان سپر لیگ 8 کی آن لائن ٹکٹوں کی فروخت کل 11 بجے شروع ہوگی جبکہ ٹورنامنٹ کے دوران وینیوز پر باکس آفس پر بھی ٹکٹ دستیاب ہوں گے۔

پی سی بی اعلامیے کے مطابق ویک ڈیز کے 8 میچ کےلیے سیزن پاسز بھی متعارف کرا دیے گئے ہیں۔

پی سی بی کے مطابق پہلے مرحلے میں ملتان اور کراچی کے میچز کے ٹکٹ آن لائن دستیاب ہوں گے۔

پی سی بی اعلامیے کے مطابق پی ایس ایل 8 کے لاہور اور راولپنڈی میں ہونے والے میچز کے ٹکٹوں کی فروخت کا بعد میں اعلان کیا جائے گا۔

پی ایس ایل کے لیے ٹکٹوں کی قیمتوں کا بھی اعلان کردیا گیا ہے

لاہور میں جنرل اسٹینڈ ٹکٹس کی قیمت 650 سے 1200 روپے تک ہوگی جب کہ کراچی اور ملتان میں جنرل اسٹینڈز کا ٹکٹس 650 سے 1000 روپے تک میں فروخت ہوگا۔

لاہور کے ہاسپٹیلٹی باکس کی ٹکٹس کی قیمت 10 سے 18 ہزار روپے، کراچی کے ہاسپٹیلٹی باکس کی ٹکٹس کی قیمت 10 سے 15 ہزار روپے جب کہ ملتان کے ہاسپٹیلٹی باکس کی قیمت 12 سے 18 ہزار روپے رکھی گئی ہے۔

اس کے علاوہ راولپنڈی میں پریمیم ٹکٹس 1000 سے 2500 روپے جب کہ پلاٹینم باکس کی قیمت 12 ہزار سے 18 ہزار روپے تک ہوگی۔ اس بار چاروں شہروں میں میچز کے لیے سیزن ٹکٹس بھی متعارف کروائے گئے ہیں جن کی مختلف قیمتیں مقرر کی گئی ہیں