پنجاب پولیس میں تقرر و تبادلےکردیئے گئے، نوٹیفکیشن جاری

لاہور( اُمت نیوز) پنجاب پولیس میں بڑے پیمانے پر تقرر اور تبادلےکردیے گئے ہیں، نوٹیفکیشن بھی جاری کردیا گیا ہے۔
نوٹیفکیشن کے مطابق راؤ عبدالکریم کو ایڈیشنل آئی جی پٹرولنگ،محمد طارق چوہان کو ایڈیشنل آئی جی ٹریننگ، شہزادہ سلطان کو ایڈیشنل آئی جی آپریشن، مرزا فاران بیگ کو ڈی آئی جی ٹریفک پنجاب، ناصر محمود ستّی کو ڈی آئی جی ٹریننگ، ڈاکٹر معین مسعود کو ڈی آئی جی (وی آئی پی) سیکیورٹی، ڈاکٹر انعام وحید کو ڈی آئی جی اسٹیبلشمنٹ تعینات کردیا گیا۔
اس کے علاوہ ایس ایس پی سہیل ظفر چٹھہ اور ڈی آئی جی زیشان اصغر اور ڈی آئی جی عثمان اکرم گوندل کی خدمات پنجاب کے حوالے کردی گئیں جبکہ ڈی آئی جی عبدالغفور آفریدی کی خدمات کے پی کے کے حوالے کردی گئیں، ڈی آئی جی محمد ادریس احمد اور ڈی آئی جی سرفراز احمد فلکی کا پنجاب سے وفاق تبادلہ کردیا گیا۔