ملکی تاریخ کی سب سے بڑی کابینہ،ریکارڈ قائم

اسلام آباد: ایک طرف ملک معاشی بحران کا شکار اور تاریخی مہنگائی نے قوم کی ثیخیں نکلوا دی ہیں تو دسری طرف ملکی تاریخ کی سب سے بڑی کابینہ کا نیا ریکارڈ قائم ہوگیا۔

وزیر اعظم شہباز شریف نے وفاقی کابینہ میں ایک ساتھ 5 معاونین خصوصی کا مزید اضافہ کردیا۔

ممبران قومی اسمبلی راؤ اجمل، شائستہ پرویز اور قیصر احمد شیخ کو معاونین خصوصی تعینات کر دیا گیا جبکہ محمد حامد حمید اور ملک سہیل خان بھی معاونین خصوصی تعینات ہوگئے۔

نئے معاونین خصوصی کی تعیناتی کے بعد کابینہ کی تعداد بڑھ کر83 پر پہنچ گئی ہے جن میں وزیر اعظم کے 38 معاونین خصوصی، 34 وفاقی وزراء، 7 وزرا مملکت اور 4 مشیر شامل ہیں۔

تمام 5 نئے معاونین خصوصی کا عہدہ وزیر مملکت کے برابر ہوگا، نئے معاونین خصوصی کو کوئی قلمدان نہیں دیا گیا اور یہ بلامعاوضہ کام کریں گے۔