شدید برفباری ،چترال جانیوالی گاڑیاں لواری ٹنل پر پھنس گئیں

چترال(اُمت نیوز)چترال جانے والی سیکڑوں گاڑیاں شدید برفبار ی کے باعث لواری ٹنل پر پھنس گئی ہیں، انتظامی اہلکار گاڑیوں کو برف سے نکالنے میں مدد دینے کیلئے منظرسے غائب ہوگئے ہیں

اس حوالےسے مسافروں کا کہنا ہے کہ شدید برف باری کی وجہ سے سیکڑوں گاڑیاں گزشتہ شب چترال جاتے ہوئے لواری ٹنل کے مقام پر پھنسی ہوئی ہیں

ہمارے ساتھ بچے، عورتیں اور بزرگ بھی موجود ہیں لیکن  انتظامی اہلکار  گاڑیوں کو نکالنے کیلئےکہیں نظر نہیں آ رہے۔

مسافروں کا کہنا ہے کہ مسافر گاڑیوں کے پھنسنے کے بعد سے لواری ٹنل کے قریب وہاں موجود ہوٹلز مالکان نے بھی لوٹ مار شروع کر دی ہے۔

دوسری جانب ٹورازم اتھارٹی کا کہنا ہے کہ لواری ٹنل اور مضافات میں برفباری کا سلسلہ تاحال جاری ہے،

رات 1 بجے سےلینڈ سلائیڈنگ کی وجہ سے ٹریفک  بند ہے، ایک فٹ سے زیادہ برف  علاقے میںپڑچکی ہے تاہم برف کوسڑکوں سے ہٹانے کی کوششیں جاری ہے۔