سی ٹی ڈی کا انٹیلی جنس بیسڈ آپریشن، 9 دہشتگرد گرفتار

اسلام آباد(اُمت نیوز) پنجاب کے مختلف اضلاع میں انٹیلی جنس آپریشن میں کالعدم تنظیموں کے 9 دہشتگرد کو گرفتار کرلیا گیا ہے۔
تفصیلات کے مطابق دہشتگردوں کا تعلق کالعدم ٹی ٹی پی اور داعش کے مختلف گروپوں سے ہے، دہشتگردوں کی شناخت 26 مشتبہ افراد سے تفتیش کے دوران ہوئی
ترجمان سی ٹی ڈی پنجاب کے مطابق گرفتار دہشتگردوں میں عفان، کاشف، جواد سعید، ثاقب الیاس، سبز علی، داؤد شاہ اور احمد جان شامل ہیں،
کارروائی کے دوران خودکش جیکٹ، دھماکا خیز مواد، دستی بم، ڈیٹونیٹر، اسلحہ، ریموٹ کنٹرول ڈیوائسز اور حساس مواد پر مشتمل کتابیں برآمد کرلی گئیں
ترجمان سی ٹی ڈی کا کہنا ہےکہ رواں ہفتے 564 کومبنگ آپریشنز میں 93 مشتبہ افراد کو گرفتار کیا گیا۔
دہشتگردوں کے خلاف 10 مقدمات درج ہیں جن کی تفتیش جاری ہے۔