ن لیگی سوشل میڈیا کارکنوں کے مریم نواز سے شکوے

اسلام آباد(امت نیوز) مسلم لیگ ن کے سوشل میڈیا ونگ کے کارکن مریم نواز کی جانب سے ملاقات کے لیے وقت نہ ملنے پر پھٹ پڑے، ن لیگ کی سینئر نائب صدر نے کارکنوں کو رابطہ رکھنے کا وعدہ کیا

مسلم لیگ ن کے سوشل میڈیا ونگ اسلام آبادکا اجلاس ہوا جس میں کارکنوں نے پارٹی کی چیف آرگنائزر اور سینئر نائب صدر مریم نواز کے آگے وقت نہ دینے کی شکایتوں کے انبار لگادیئے

کارکنان کا کہنا تھاکہ  پارٹی کے نوجوان ورکرز آپ سے ملنا چاہتے ہیں لیکن ملاقات نہیں ہوتی، پی ٹی آئی کی جانب سےسوشل میڈیا پرن لیگ کے خلاف بھرپور مہم چلائی جارہی ہے ۔ان کا مقابلہ کیسے کریں۔

اجلاس میں مریم نواز نے سوشل میڈیا کارکنوں سے رابطہ رکھنے کا وعدہ کیا اور پی ٹی آٸی کے بیانیے کے مقابلے کے لیے ن لیگ کے سوشل میڈیا کو یونین کونسل تک منظم کرنےکا فیصلہ کیا گیا۔