استثنیٰ کی درخواست مسترد،عمران خان کو آج ہی عدالت میں پیش ہونے کا حکم

اسلام آباد: بینکنگ کورٹ نے پاکستان تحریک انصاف (پی ٹی آئی) کے چیئرمین عمران خان کی حاضری سے استثنیٰ کی درخواست مسترد کردی ،چیئرمین پی ٹی آئی کو آج ہی عدالتی وقت ختم ہونے سے پہلے پیش ہونے کا حکم دے دیا۔

چیئرمین پی ٹی آئی عمران خان کے خلاف ممنوعہ فنڈنگ کیس کی سماعت بینکنگ کورٹ میں ہوئی۔

بینکنگ کورٹ کی جج نے عمران خان کی حاضری سے استثنیٰ کی درخواست مسترد کر دی۔

جج رخشندہ شاہین نے ریمارکس دیتے ہوئے کہا کہ عمران خان پیش نہیں ہوتے تو قانون اپنا راستہ بنائے گا۔