راولپنڈی، زیر تعمیر مکان میں چیتا گھس گیا،ایک شخص زخمی

راولپنڈی میں زیر تعمیر مکان میں چیتا گھس گیااور ایک شخص کو حملہ کر کے زخمی کر دیا۔

نجی ٹی وی  کے مطابق راولپنڈی کے پوش علاقے ڈی ایچ اے میں زیر تعمیر مکان میں چیتا جا گھسا اورایک شخص کو زخمی کر دیا تاہم خوش قسمتی سے کوئی ہلاکت نہیں ہوئی۔

اطلاع ملنے پر ریسکیو 1122 فوری طور پر جائے وقوعہ پر پہنچے اور وائلڈ لائف حکام کو طلب کر لیا اس دوران چیتے کو بھاگتے،چھلانگیں لگاتے دیکھا گیا ہے۔