یوکرین نے پاکستان سے اقوام متحدہ میں حمایت مانگ لی

اسلام آباد(امت نیوز)یوکرین نےپاکستان سےروس کےخلاف جنگ کے خاتمے کے لیے اقوام متحدہ کی جنرل اسمبلی میں پیش کی جانے والی قرارداد کے مسودے پر حمایت مانگ لی
یوکرین کے صدر ولادی میر زیلنسکی نے صدر مملکت ڈاکٹر عارف علوی سے ٹیلی فونک رابطہ کیا جس میں دونوں صدار نے دو طرفہ تعلقات پر تبادلہ خیال کیا۔
ٹیلی فونک گفتگو میں دونوں صدور نے روس یوکرین جنگ کے تناظر میں ترقی پذیر ممالک کو درپیش توانائی اور خوراک کے مسائل اور دونوں ممالک کے سیاسی و اقتصادی تعلقات پر گفتگو کی۔
دونوں سربراہان مملکت نے باہمی فائدے کیلیے اقتصادی اور تجارتی تعلقات کو بڑھانے کی ضرورت پر زور دیا جبکہ یوکرینی صدر نے دس نکاتی امن فارمولے پر بھی بات کی۔
صدر میر زیلنکسی نے روس یوکرین جنگ کے خاتمے کے لیے اقوام متحدہ کی جنرل اسمبلی میں پیش کی جانے والی قرارداد کے مسودے پر پاکستان کی حمایت بھی مانگی۔
جس پر صدر مملکت عارف علوی نے کہا کہ روس یوکرین جنگ پر پاکستان کو گہری تشویش ہے، پاکستان اقوام متحدہ کے چارٹر کے مطابق جنگ کے پرامن حل کی حمایت کرتا ہے، حکومت پاکستان کی طرف سے مجوزہ قرارداد کے مندرجات کا جائزہ لیا جا رہا ہے۔
اس موقع پر میز زیلنسکی نے صدر مملکت کو عارف علوی کو یوکرین کے دورے کی دعوت بھی دی