کراچی،بچے کو بچاتے گرین لائن بس فٹ پاتھ پر آگئی

کراچی (اُمت نیوز)کراچی میں بچے کو بچاتے ہوئے گرین لائن بس فٹ پاتھ پر آگئی ہے۔

تفصیلات کے مطابق یہ  حادثہکراچی کے علاقے ناگن چورنگی کے قریب پیش آیا ہے۔ جس میں گرین لائن بس بچے کو بچاتے ہوئے جنگلا توڑ کر فٹ پر آگئی ہے۔

حادثے میں ڈرائیور اور خواتین سمیت متعدد افراد زخمی ہوئے جبکہ گرین لائن بس کا اگلا حصہ مکمل تباہ ہوگیا ہے۔

متعدد مسافر بس کی کھڑکیوں سے باہر آئے، حادثے کے باعث ناگن چورنگی پل کے نیچے کچھ دیرٹریفک کی روانی متاثر رہی۔

ترجمان گرین لائن کا کہنا ہے کہ ناگن چورنگی انٹرسیکشن پر بس کو حادثہ کیسے پیش آیا اس حوالے سے تحقیقات جاری ہیں، بس کو نقصان پہنچا ہے، اس کا  تخمینہ بھی لگایا جائے گا،

تحقیقات مکمل ہونے کے بعد حادثے کی وجوہ بتائی جاسکے گی۔

 

*کراچی: گرین لائن بس کو حادثہ، مسافر شیشے توڑ کر کھڑکیوں سے باہر نکلے …..!!!*

خانہ بدوش بچہ اچانک سے بس کے سامنے آنے کی وجہ سے حادثہ رونما ہوا-
حادثے کے بعد مسافر شیشہ توڑ کر کھڑکیوں سے باہر نکلے جبکہ لوہے کا جنگلہ اور بھاری بلاک بھی روڈ پر آگرے -!!!' pic.twitter.com/B2D8aJu3BO

— Atif Raza (@atifrazaa) February 24, 2023

علاوہ ازیںحادثے کی سی سی ٹی وی ویڈیو بھی سامنے آگئی ہے، ویڈیو میں دیکھا جاسکتا ہے کہ گرین لائن بس ٹریک کی جالیوں سے ٹکرا کر فٹ پاتھ پر چڑھ جاتی ہے۔