کراچی، موٹرسائیکل سواروں کی فائرنگ سے3 افراد زخمی

کراچی(اُمت نیوز) کراچیمیں مسلح ملزمان کی فائرنگ سے تین افراد زخمی ہوگئے ہیں۔
تفصیلات کے مطابق فائرنگ کا یہ واقعہ کراچی کے علاقے سائٹ صنعتی ایریا میں پیش آیا ہے۔ جس میں 3 افراد زخمی ہوئے ہیں
میڈیا رپورٹ کےمطابق سائٹ اے تھانے کی حدود میں دو موٹر سائیکلوں پر سوار مسلح ملزمان نے گاڑی پر فائرنگ کرکے تین افراد کو زخمی کردیا
، زخمیوں کی شناخت فدا خان ، وسیم اور فضل کے نام سے کی گئی ہے۔
ایس ایس پی کیماری فدا حسین جانوری کا کہنا ہے کہ زخمی ہونے والے تینوں افراد ایئر پورٹ سے اپنی گاڑی میں سائٹ ایریا آرہے تھے ، دو موٹر سائیکلوں پر سوار ملزمان نے تعاقب کیا اور ایک موٹر سائیکل پر سوار دو ملزمان نے گاڑی پر فائرنگ کی جس کے نتیجے میں تینوں افراد زخمی ہوگئے جنہیں اسپتال منتقل کیا گیا ، تینوں افراد کی حالت خطرے سے باہر ہے۔