خطے میں جنگ بندی کی کوششیں، پاکستان کے کردار پر ایرانی سفیر کااہم بیان جاری
ایران کے خلاف مبینہ جارحیت کو روکنے اور کشیدگی کم کرنے کے لیے پاکستان کا کردار نہایت اہم اور تعمیری رہا ہے
پاکستان میں تعینات ایرانی سفیر رضا امیری مقدم نے مشرق وسطیٰ میں جاری کشیدگی کے تناظر میں پاکستان کی سفارتی کوششوں کو سراہتے ہوئے اہم بیان جاری کیا ہے۔
سماجی رابطے کی ویب سائٹ ایکس پر جاری اپنے پیغام میں ایرانی سفیر کا کہنا تھا کہ پاکستان جیسے دوست اور برادر ملک کی جانب سے خطے میں امن و استحکام کے قیام کے لیے کی جانے والی سنجیدہ اور مثبت سفارتی کوششیں قابلِ تحسین ہیں۔
انہوں نے کہا کہ ایران کے خلاف مبینہ جارحیت کو روکنے اور کشیدگی کم کرنے کے لیے پاکستان کا کردار نہایت اہم اور تعمیری رہا ہے، جسے ایران قدر کی نگاہ سے دیکھتا ہے۔
2/Iran welcomes Pakistan's proactive diplomatic initiatives based on good-will to restore peace and bringing lasting stability to the region.
— Reza Amiri Moghadam (@IranAmbPak) March 31, 2026
رضا امیری مقدم نے مزید عندیہ دیا کہ وہ اس حوالے سے مزید نکات آئندہ پیغامات میں تفصیل کے ساتھ پیش کریں گے۔
While appreciating the initiative and good will and good office by the friendly & brotherly country of Pakistan to stop the US-sraeli aggression against Iran and restore peace and stability to the region, I have some few points that I will make in some threads here on.
— Reza Amiri Moghadam (@IranAmbPak) March 31, 2026
تجزیہ کاروں کے مطابق پاکستان کی جانب سے جاری سفارتی سرگرمیاں خطے میں امن کے فروغ کے لیے اہم پیش رفت ثابت ہو سکتی ہیں، جبکہ ایران کی جانب سے اس کا اعتراف دونوں ممالک کے تعلقات کی مضبوطی کی عکاسی کرتا ہے۔