بحرین کا ایران پر “جارحیت” کا الزام۔ ملک کے دفاع کا عزم

بحرین کی فوج نے دعویٰ کیا ہے کہ اس نے شہری تنصیبات کو نشانہ بنانے والے تین میزائلوں اور متعدد ڈرونز کو تباہ کر دیا ہے۔
بحرینی فوج کے مطابق یہ حملے ایران کی جانب سے کیے گئے اور انہیں “منظم جارحیت” قرار دیا گیا ہے۔
فوجی بیان میں کہا گیا ہے کہ ایران کی جانب سے یہ کارروائیاں بین الاقوامی قوانین کی خلاف ورزی ہیں، اور بحرین کا دفاعی نظام ملک کے تحفظ کے لیے مکمل طور پر تیار ہے۔
بیان میں مزید کہا گیا کہ ایران اپنی “منظم جارحانہ مہم” کے تحت میزائلوں اور ڈرونز کے ذریعے شہری علاقوں اور تنصیبات کو نشانہ بنانے کی کوشش کر رہا ہے، تاہم دفاعی فورسز صورتحال پر مکمل قابو رکھے ہوئے ہیں۔