ایران نے خامنہ ای کے جنازے سے قبل سیکیورٹی سخت کر دی،فوج ہائی الرٹ

ایران نے سپریم لیڈر آیت اللہ علی خامنہ ای کے جنازے سے قبل ملک بھر میں سیکیورٹی کے غیر معمولی اقدامات کر دیے ہیں۔

بریگیڈیئر جنرل محمد اکرمیہ کے مطابق خامنہ ای کے جنازے سے پہلے ایرانی مسلح افواج کو ہائی الرٹ کر دیا گیا ہے اور کسی بھی ممکنہ خطرے سے نمٹنے کے لیے مکمل تیاری کر لی گئی ہے۔

انہوں نے کہا کہ ایرانی فوج کی زمینی، بحری اور فضائی افواج نے ملک کی سرحدوں پر اپنی موجودگی مزید بڑھا دی ہے تاکہ اعلیٰ غیر ملکی حکام، مذہبی شخصیات اور سیاسی رہنماؤں کی آمد کے دوران مکمل سیکیورٹی کو یقینی بنایا جا سکے۔

ان کے مطابق فضائی دفاعی نظام مسلسل ملک کی فضائی حدود کی نگرانی کر رہا ہے تاکہ کسی بھی غیر معمولی صورتحال کو فوری طور پر روکا جا سکے۔

ایرانی حکام کے مطابق سیکیورٹی ادارے ہر ممکن خطرے کے پیش نظر مکمل طور پر متحرک ہیں اور ملک میں حساس مقامات پر نگرانی مزید سخت کر دی گئی ہے۔