قشم، اہواز اور آبادان سمیت کئی علاقوں میں دھماکوں کی آوازیں

امریکا کی جانب سے ایران پر تازہ فضائی حملوں کے اعلان کے بعد ملک کے مختلف علاقوں سے دھماکوں کی اطلاعات سامنے آئی ہیں، جس سے خطے میں کشیدگی مزید بڑھ گئی ہے۔

رپورٹس کے مطابق صوبہ ہرمزگان کے جزیرہ قشم میں علی الصبح فضائی حملے کی اطلاع ملی۔ مقامی حکام کا کہنا ہے کہ قشم شہر کے علاقے چاہ ٹنگو میں ایک رہائشی مقام کو میزائل حملے میں نشانہ بنایا گیا، تاہم جانی و مالی نقصان کی مکمل تفصیلات فوری طور پر سامنے نہیں آ سکیں۔

ادھر صوبہ خوزستان کے حکام نے آبادان کے نواحی علاقوں میں حملوں کی تصدیق کی ہے، جبکہ سرکاری ذرائع کے مطابق شادگان، اروندکنار، آبادان اور اہواز سمیت متعدد شہروں میں دھماکوں کی آوازیں سنی گئیں۔ بعض رپورٹس میں اہواز میں متعدد دھماکوں کا بھی ذکر کیا گیا ہے۔

اسی دوران ابوموسی، کیش اور قشم کے سمندری علاقوں کے ساتھ آبنائے ہرمز کے اطراف بھی دھماکوں کی اطلاعات موصول ہوئی ہیں، تاہم ان واقعات کی مکمل نوعیت اور ممکنہ نقصانات سے متعلق معلومات تاحال محدود ہیں۔

جهود الإنقاذ بمدينة قشم، الواقعة في جنوب إيران، وذلك في أعقاب غارة جوية أمريكية على مبنى سكني.

تم إنقاذ طفلين من تحت الأنقاض ونقلهما إلى المستشفى، بينما تستمر الجهود لإنقاذ ثلاثة أفراد آخرين من العائلة كانوا داخل المنزل وقت الغارة
بنك أهداف السافل ترامب pic.twitter.com/SGZAXpqHNu

— آصف ابن برخيا (@ryad82670975) July 30, 2026

مزید برآں، صوبہ فارس کے شہروں نورآباد ممسنی اور کازرون سے بھی دھماکوں کی آوازیں سننے کی اطلاعات سامنے آئی ہیں۔

حالیہ صورتحال کے بعد مشرقِ وسطیٰ میں کشیدگی مزید بڑھنے کا خدشہ ظاہر کیا جا رہا ہے، جبکہ مختلف ذرائع سے موصول ہونے والی اطلاعات کی آزادانہ طور پر مکمل تصدیق تاحال ممکن نہیں ہو سکی۔