ایران نے بیلسٹک میزائلوں کی تیاری دوبارہ شروع کر دی ، امریکی اخبار

واشنگٹن: امریکی حکام نے دعویٰ کیا ہے کہ ایران نے اپنی زیرِ زمین تنصیبات میں پہلے سے ذخیرہ شدہ پرزہ جات کی مدد سے بیلسٹک میزائلوں کی پیداوار دوبارہ شروع کر دی ہے۔

امریکی اخبار وال اسٹریٹ جرنل نے امریکی حکام کے حوالے سے بتایا ہے کہ جنگ کے ابتدائی مرحلے میں میزائل سائٹس اور صنعتی تنصیبات پر حملوں کے باوجود ایران مائع ایندھن اور ٹھوس ایندھن والے میزائلوں کی اسمبلنگ میں مصروف ہے۔

امریکی اخبار کی رپورٹ کے مطابق ایران موجودہ پرزہ جات کو استعمال کرکے بیلسٹک میزائل تیارکر رہا ہے۔

امریکی اخبار نے کہا کہ بیلسٹک میزائلوں کی تیاری کا کام زیرِ زمین تنصیبات میں جاری ہے۔ یہ میزائل جنگ سے پہلے کی نسبت زیادہ محدود تعداد میں تیار کیے جا رہے ہیں۔