سعودی کابینہ کا یمن کی آئینی حکومت کی حمایت کا اعلان

سعودی عرب کی کابینہ نے یمن کی آئینی حکومت کے لیے اپنی مکمل حمایت اور تعاون جاری رکھنے کے عزم کا اعادہ کیا ہے۔

سعودی ولی عہد اور وزیراعظم شہزادہ محمد بن سلمان کی زیر صدارت کابینہ کا اہم اجلاس ہوا، جس میں علاقائی صورتحال اور عالمی امور پر تفصیلی غور کیا گیا۔

سعودی میڈیا کے مطابق اجلاس میں مکہ دفاعی اتحاد کی کمیٹی کے ہنگامی اجلاس کے نتائج کو بھی سراہا گیا۔ کمیٹی میں شامل تینوں ممالک نے سعودی عرب کی شہری اور اقتصادی تنصیبات پر ہونے والے حملوں کی مذمت کی۔

اجلاس کے دوران مشترکہ دفاعی ذمہ داریوں پر فوری عملدرآمد، فوجی تیاری بہتر بنانے اور تینوں ممالک کے درمیان باہمی تعاون مزید مضبوط کرنے پر بھی اتفاق کیا گیا۔

سعودی کابینہ نے خطے میں امن و استحکام کے لیے تعاون جاری رکھنے اور یمن کی آئینی حکومت کی مکمل حمایت برقرار رکھنے کے عزم کا اظہار بھی کیا۔